محرم گلدی دوران تازه لندی
عزای شاه عطشان تازه لندی
نه وار بو آی باتیب عالم عزایه
گلیب یئر گوی بو ماتمده نوایه
حسین گلدی یئتیشدی کربلایه
او چولده عهد و پیمان تازه لندی
دامارلاردا گلیب دیر جوشه قانلار
حسینیم وای دییللر نوحه خوانلار
ورور سینه ائدیر ناله جوانلار
سینیق دیل لرده افغان تازه لندی
بو آی گئچدی شه دین اکبریندن
اوجا بوی قارداشیندان اصغریندن
ولی ال چکمدی اوز باوریندن-
نقدری ظلم عدوان تازه لندی
بو آیدا دین حق تاپدی وجاهت
حسین نوش ائیلدی جام شهادت
وئریب باش ائتمدی ظلمیله بیعت
بو آی معیار و میزان تازه لندی
بو آی شمس امامت تاپدی تکثیر
حسین قانیله عشقی ائتدی تفسیر
قیام ائتدی وئریب دنیایه تغییر
مسیر کوی جانان تازه لندی
محرم دیر هامی سسلیر حسینی
حسین سسلیر ولی هل من معینی
آچیب مقتلده دانشگاه دینی
رضای حقه عنوان تازه لندی
بو آی تفسیر اولوب انا فدیناه
قالیب حیران بو سره ماسوالله
شهید اولدی اولا تا امت آگاه
مریض جهله درمان تازه لندی
بو آیدا اهل زور و ذلت ئولدی
اسیر نفس و ملک و شهوت ئولدی
حقیقت زنده قالدی بدعت ئولدی
کلام حقیده جان تازه لندی
بو آی گل ناله و افغانه شیعه
قرا گیی شاه مظلومانه شیعه
قولاق وئر نغمه قرانه شیعه
اورکده عشق و ایمان تازه لندی
بو آیدا حضرت پیغمبر آغلار
ائدر ناله بتول اطهر آغلار
"چکر قیها قیامت محشر آغلار"
اورکده آه سوزان تازه لندی
بو آیدا سو یولی باغلاندی شیعه
عطشدن خردا قیزلار یاندی شیعه
باخیب سقا سوا اودلاندی شیعه
گوورب هر لحظه بحران تازه لندی
ادامه دارد....