آغلاییب بوشالیب دولماق ایستیرم
کولگنده عومور کن قالماق ایستیرم
بوتون وارلیقیمی شیرین عومرومی
سنیله بیر له ییب بولماق ایستیرم
روحومی زمانه سیخیب آغلادیر
بیر شیرین دوداقدان گولماق ایستیرم
گوللری سارالدیب خزانین دادی
کوکوندن غصه نی یولماق ایستیرم
حیاتیم وارلیقیم بهاریم سنسن
جوانلیق سازینی چالماق ایستیرم
عالم منیم اولسا یوخدی بهره سی
دونیا بویی سنلن اولماق ایستیرم
آیاقین آلتیندا آچان بیر گولم
قولومی بوینونا سالماق ایستیرم
9610