عالم بیلیر عشقیله یانار جاندی بسیجی

هر لحظه ده آماده ی فرماندی بسیجی

اثبات ائله ییب جنگده اؤز عهد و وفاسین

مردِ عمل و فاتحِ میداندی بسیجی

چون درسین آلیب کرب و بلا مدرسه سیندن

حقّ اوسته فدا اولماقا عطشاندی بسیجی

مظلومین اولان یاره سینه مرهم و درمان

ظالم گؤزونه ناوک و پیکاندی بسیجی

بیگانه اگـــر بـادِ غـروریله دولانسا

ظؤلمت ائوینی ییخماقا طوفاندی بسیجی

غیرتله بو گون مملکتِ عشقه محافظ

حیثیّت و ناموسه نگهباندی بسیجی

ایثار و شهادتده اولان عالمه الگو

بو مرحله ده بهترین انساندی بسیجی

امنیّت و وحدت عملاً نطق و شعاری

دیوانسرادا رهبرِ وجداندی بسیجی

سازندگیِ مُلکِ شرافتده مؤثّر

آبادگرِ کشورِ ایراندی بسیجی

شیطانی لره باج وئره مُمکن دَییل، هیهات،

چون طالبِ حق ، دشمنِ شیطاندی بسیجی

خُلقی علوی، عشقی حسینی، هدفی حق

مستِ می و پیمانه ی عرفاندی بسیجی

واللّهی شرافتدن اوزاقدی دئمَسَم گر

عینِ شرف و معرفتِ جاندی بسیجی

اَل چکمه دادا مدرسه ی عشقِ خدادن

بو یئرده اؤزی خالقه مئهماندی بسیجی

 .

دادا بیلوردی - اروند رود

1365 هجری شمسی